Polîsan avêtin ser avahiya HDP'ê ya Amedê
Polîsan piştî kongreya DBP'ê avêtin ser avahiya HDP'ê ya Amedê. Polîsên ku li avahiyê lêgerîn kirin, bi îdîaya "li dijî qanûnan e" dest danîn ser pankartên li salona kongreyê hatine daliqandin.
Polîsan avêtin ser avahiya HDP'ê ya Amedê ku kongreya 5. a awarte ya DBP'ê lê hatibû lidarxistin.
Gelek polîsên ku ketin avahiyê, bi îdîaya "li dijî qanûnan e" dest danîn ser pankartên li salonê hatin daliqandin. Di dema serdegirtinê de polîsan bi gelek wesayitên zirxî û tîmên taybet dor li avahiya HDP'ê girtin.
