Komeke ji parêzerên Rojhilata ji ber kuştina kolberan a bi destê rejîma Îranê daxuyaniyeke nivîskî dan û xwestin ku demildest kıjer werin darizandin.

106 parêzer bi daxuyaniyeke hevpar diyar kirin ku her roj nûçe li ser kuştina kolberan tên û gotin, ‘’çekên peywirdarên ewlehiyê li şûna ku ewlehiya can û mal ê gel biparêzin berê xwe didine kolberên ku derdê wan tenê debara mala wan e û pariyek nan bibin mala xwe.’’

Parêzeran diyar kirin ji ber sedema hejariya ku li gel tê ferzkirin mirov kolberiyê dikin û gotin heta ku sûcdar neyên darizandin wê dawî li komkujiyê neyê.

Di dawiya daxuyaniyê de hate gotin: ‘’Divê êrîşa li ser kolberan di zûtirîn demê de bi dawî bibe. Çi kesê ku di kuştina koloberan de berpirs e divê li dadgeha ku cot-standartî lê nîn e werin darizandin. Ji bilî yên ku gule avêtine wan, ên ku gule bi wan dane avêtin jî divê derkevin ber dadgehê û hesab bidin.’’