Koordînasyona PAJK’ê bi wesîleya 9’ê Cotmeha 1998’an komploya li ser Rêberê Gelê Kurd Abdullah Ocalan daxuyaniyek weşand.

Di daxuyaniya PAJK’ê de ev tişt hate diyarkirin:

“Şehîdên me yên ‘Hûn nikarin roja me tarî bikin’ di serî de em hemû şehîdên xwe yên têkoşîna azadiyê bi bîr tînin.

Em Rêbertiya xwe yê li dijî modernîteya kapitalîst li ber xwe dide, hemû kadroyên PKK û PAJK’ê yên ku hewl didin modernîteya demokratîk ava bikin, jinên ku bawerî bi azadiya jinan tînin, serkeftinê ji hemûyan re dixwazin. Li hemberî êrîşên modernîteya demokratîk jî em banga bihistyariyê li gel dikin.

KOMPLOYA NAVNETEWEYÎ

Di sî salên dawîn de hegemonyaya navendî tevî hemû şirîk û nokerên xwe ji xeynî şer tu tiştek ji civakên Rojhilata Navîn re nehiştiye. Hêzên ku DYE û Îngîltere pêşengiya wê dikin di sala 1990’an de diyar dikirin ku wêbi Şerê Kendavê yê 1’emîn re demokrasiyê bînin herêmê, piştî ku bi salan piştgirî dan Seddam, piştre ew hilweşandin.

Yek ji navenda girîng a şaristaniya Mezopotamyaya Kevn rejîma Sûriyeyê jî anîn ber asta hilweşandinê. Hebûna Rêbertiya PKK’ê ji bo pratîzekirina Projeya Rojhilata Navîn a hegemonyaya navendî wekî astengiyekê hatiye dîtin, xwestine Hafiz Esad bi hebûna Rêber Apo dîl bigirin û Rêber Apo jî tasfiye bikin. Demeke dirêj xwestine bi hevdîtinên dîplomatîk tasfiyeyê bikin, bi gefên şer ên dewleta Tirk ev hatiye kirin. Di wan deman de ji bo hilweşandina dewleta Sûriyeyê rol dane dewleta Tirk. Ji ber vê sedemê qonaxa pêşîn a Şerê Cîhanê yê Sêyemîn Şerê Kendavê be, qonaxa duyemîn jî di şexsê Rêber Apo de komploya navneteweyî ye.

Ji 9’ê Cotmeha 1998’an heta 15’ê Sibata 1999’an hêzên ku DYE, Îngîltere û Îsraîlê pêşengtiya wê kirine, bi operasyona NATO-Gladyoyê Rêber Apo dîl girtine û komploya navneteweyî pêk anîne. Li beramberî vî tiştî ku Tirkiye ji bo DYE û Îsraîlê bûye welatê herî ewle. Piştî wê demê Tirkiye bûye yek ji navenda kapîtalîzmê ya Rojhilata Navîn.

DEYNÊ STÛYÊ ME YE KU EM DÎLGIRTINÊ BI DAWÎ BIKIN

Li beramberî hemû êrîş û komployên hegemonyaya navendî, PKK û Rêber Apo dev ji xeta azadiyê bernedane. Rêber Apo yê ku hebûna Kurdan bi jiyana bi rûmet û jiyana jinan jî bi azadiyê girêdide, li dijî hemû ferasetên paşverû têkoşiyaye. Rêber Apo PKK wekî partiya azadiya jinan ava kiriye. Rêber Apo nebûye alîgirê çînên çêkirî û derbên giran li boçûnên modernîteya kapîtalîst ên wekî neteweperestî, endustrîyalîst û kapîtalîst daye Ji ber vê helwesta mûxalif Rêber Apo bi komploya navneteweyî bûye hedef. Lê wekî ku Rêber Apo jî dibêje komploya navneteweyî bi saya têkoşîna gelê me û partiya me hatiye pûçkirin. Li hemberî van derbên giran êrîş nesekinîne û hatiye xwestin ku komploya navneteweyî ya têkçûyî were domandin.

Ji bo mûxalefeta li dijî polîtîkayên dagirkerî, tecrîd, tacîz û talanê yên modernîteya demokratîk , bidawîkirina esareta li Rêber Apo ya ku di 9’ê Cotmeha 1998’an de hatiye destpêkirin, deynê stûyê me ye. Ji bo rakirina tecrîdê û bidawîkirina dîlgirtina 22 salan, Kurd û jin di serî de, divê em hemû gelên Rojhilata Navîn vê dîlgirtinê bi dawî bikin.

Li dijî teslîmgirtina gelên Rojhilata Navîn, talankirina xwezayê, qirkirina li ser jinan, geşkirina pêngava KCK’ê ya ‘Em tecrîd, dagirkerî û faşîzmê bi dawî bikin, dem dema azadiyê ye’ û xurtkirina pêngava KJK’ê ya ‘Li dijî qirkirina li ser jinan,dema parastina jin û civakê ye’ û li ser esasî em bang dikin ku tevlî çalakiyên 10’ê Cotmehê Roja Azadiya Ji Bo Ocalan a Cîhanê bibin.