Fermandariya Biryargeha Navenda Parastina Gel (NPG) bi wesîleya salvegera 24’emîn a Komploya Navneteweyî daxuyaniyek nivîskî da.

Fermandariyê wiha got: “Em di salvegera 24’emîn a Komploya Navneteweyî 15’ê Sibatê de ne ya ku li dijî Rêber Apo ku gelek ji ber qirkirinê rizgar kir, ji nû ve zindî kir û rêya azadiyê ji gelê me re vekir. Em hemû hêzên ku bûne parçeyê vê komployê bi hêrseke mezin şermezar dikin. Em di şexsê şehîdên ‘Hûn Nikarin Roje Me Tarî Bikin’ de yên ku bi dilsoziya xweya bi Rêber Apo re li dijî komplogeran bedena xwe kirin sîper û li dora Rêbertiya me ji agir dîwarek çêkirin û nîşanî hemû cîhanê dan ku îradeya gelê nayê tunekirin, hemû şehîdan bi rêzdarî û minetdarî bi bîr tînin.”

Di daxuyaniyê de ev tişt jî hatin diyarkirin:

“Li Kurdistanê têkoşîna me bi pêşengiya Rêber Apo pêşveçûnek dîrokî kir û pêl bi pêl belav bû. Di serî de gelê Kurd bû hêviya azadiyê ya hemû kesên çewisandî, jin û ciwanan. Ziman, çand, dîrok, nasnmame û mafê gelê Kurd ê herî esas tune hatiye hesibandin. Gelê Kurd bi tarzê hewldan û têkoşîna bê hempa ya Rêbertiya me, şoreşa berxwedanê pêk aniye û ketiye rêya azadiyê. Hêzên Modernîteya Kapîtalîst ku xwestin gelê Kurd ê bi pêşengiya Rêber Apo ber bi azadiya xwe ve diçû, asteng bikin; di şexsê Rêbertiya me de li dijî gelê Kurd komploya ku di dîrokê de herî xedar xistin dewrê. Ev komploya nexêrê ku xwest gelê Kurd û tevgera azadiyê bêyî Rêbertî bihêle û ji xeta Apoyî derbixe û tasfiye bike, bi îradeya bê hempa û berxwedana Rêber Apo û têkoşîna gelê me û bi keda şehîdên me yên fedayî, hatiye pûçkirin.

Rêbertiya me bi sekna xwe ya Îmraliyê ya dîrokî êrîşên hêzên komploger û yên dewleta Tirk a jendirmetiya wan hêzan dike, pûç kir û di bin şert û mercên herî giran de çareseriya paradîgmayî pêk anî û çareseriya Modernîteya Demokratîk pêş xist. Modernîteya Kapîtalîst têk bir û paradîgmaya îdeolojîk û serkeftinê, bi ser ket. Fikrên Rêber Apo îro li hemû cîhanê bûye gerdûnî ku di Sîstema Êşkenceyê ya Îmraliyê de û di bin şert û mercên giran de 24 salan bênavber têkoşîna xwe domand û xwe ji bo azadiya kesên çewisandî, jin û ciwanan feda kir.

Gerîlayên Azadiya Kurdistanê îlham, bawerî, îrade, hêza fikrê xwe ji vê sekna Rêber Apo ya dîrokî wergirt û bi ruhê fedayî li ser xeta Apoyî xwe fedayê vê rêyê kiriye. Gerîlayên Azadiya Kurdistanê ku bi vê ruh û zanebûnê têdikoşe, di sala 24’emîn a komployê de li dijî êrîşên dijmin ên dewama vê komployê ne, bi ruhê fedayî yê Sara Tolhildan Goyî û Rûken Zelalan parastina xwe ya rewa pêk anîne. Her beşeke xaka Kurdistanê bi fedayiyane parastine û bi berxwedana xwe ya dîrokî Gerîlatiya Modernîteya Demokratîk pêş xistiye. Gerîlayên me yên ku fedayiyên Rêber Apo ne, li dijî her cure êrîşa ku li dijî Rêbertî û gelê me hatî kirin bi îradeyek ku di dîrokê de mîna wê nîne rabûye û hesabên qirkirinê yên dagirkeran car din pûç kiriye. Gerîlayên Azadiya Kurdistanê bi vê sekna xwe, êrîş ji ku derê û çawa li dijî Rêber Apo, gelê me û welatê me bê kirin; bi ruhê fedayî yê Sara û Rûkenan bersiv daye û nîşanî dost û dijminan daye ku xwedî wê hêzê ye.

Gerîlayên Azadiya Kurdistanê ku bi girêdanek xurt girêdayî xeta Apoyî ye, bi esasgirtina têkoşîna şehîdên me yên fedaî yên li dora Rêbertiya me ji agir xeleqek ava kirine, wê Komploya Navneteweyî bi hemû ve parçe bikin û têk bibin. Bêyî ku tawîz ji xeta Apoyî bide, bêyî teredut, bi xwestekek mezin, bawerî, biryardayî û ruhek fedayî wê xwedî li erkên xwe yên pêvajoyê derkevin.

Em Gerîlayên Azadiya Kurdistanê bi vê baweriyê di sala 25’emîn a Komploya Navneteweyî de, gerîlatiya profesyonel hîn bi pratîktir bikin. Em biryar in ku em ê teqez Komploya Navneteweyî bi hemû aliyan ve parçe bikin, erk û berpirsyariyên xwe yê ji bo azadiya fîzîkî ya Rêbertiya bi cih bînin. Em ji hemû hevrê, dost û gelê xwe yê welatparêz ên li dijî Komploya Navneteweyî têdikoşin, serkeftinê dixwazin.”