Nobeta Edaletê ya li avahiya Rêxistina Êlihê ya Partiya Herêmên Demokratîk (DBP) hatî destpêkirin, di roja 66’an de ye. Aktîvîstên Tevgera Jinên Azad (TJA), rêveberên bajêr ên DBP û DEM Partiyê û rêxistinên civakî yên sivîl beşdarî nobetê bûn.

Ji çalakvanan Horî Acar diyar kir ku heta agahî ji Rêberê Gelê Kurd Abdullah Ocalan tê girtin, ew ê çalakiya xwe bidomînin û got: “Deriyên girtîgehan vekin, bila ti kes li wir nemire. Zilmê ji holê rakin. Edaletê pêk bînin.”

Horî Acar bang li dayikan kir û got: “Her dayika li dijî bêmafiyê, divê li dora me be.”

Çalakiya nobetê bi stran û dirûşmeyan bi dawî bû.