Hêzên Xweparastinê yên Başûrê Kurdistanê diyar kirin ku wan baregeha Tirkan a li navçeya Zaxoyê ya Duhokê kirine hedef.

Li gorî daxuyaniyê di 7’ê Hezîranê de saet di 18.00’an de li dijî qereqola Girê Bîyê ya dewleta Tirk a li bajaroka Bêgova a Zaxoyê çalakî hatiye lidarxistin.

Hêzên Xweparastina Başûrê Kurdistanê derbarê çalakiyê ev agahî dan:

“Hêzên me ji 2 milan ve li çeper, stargeh û avahiyên li qereqolê dane. Di vê çalakiyê de 20 leşkerên dijmin hatine kuştin, wesayîteke leşkerî ya di hewşa qereqolê de û gelek stargehên di nava qereqolê de şewitîne û îmha bûne.”

Di daxuyaniyê de hate diyarkirin ji ber operasyonên dagirkeriyê yên dewleta Tirk ên li dijî Xakurk û Herêmên Parastinê yên Medyayê ev çalakî hatiye lidarxistin û ev bersivek e ji operasyonên dagirkeriyê re.

Di daxuyaniyê de ev tişt jî hate diyarkirin: “ Piştî çalakiyê artêşa Tirk bi obus û hawanan li derdora gundên Rûsê û Şundirê daye û piştre balefirên şer derdora Girê Koordîneyê û derdora gundê Şûndîrê bomberdûman kirine.

Di van bomberdûman de tiştek bi hêzên me nehatiye lê xisareke zêde gihiştiye bax û baxçeyên gel.”