Li Kerkûkê 10 çeteyên DAÎŞ'ê hatin kuştin
Walîtiya Kerkûkê ragihand ku di bombardûmana koalîsyona navneteweyî ya dijî DAÎŞ'ê de 10 çete hatine kuştin.
Di daxuyaniyê de hate ragihandin ku koalîsyona navneteweyî şeva Çarşemê stargehên DAÎŞ'ê yên li derdora Kerkûkê bombe kirin.
Hate ragihandin ku di encama bombardûmanê de 10 DAÎŞ'î hatine kuştin û hin wesayitên bombebarkirî yên ji bo êrişê hatibûn amadekirin, hatine îmhakirin.
Li gorî daxuyaniyê, artêşa Iraqê jî dest bi operasyoneke berfireh kir. Di operasyonê de çek û cebilxaneyên DAÎŞ'ê hatin desteserkirin.
