Hat ragihandin ku zilamek li nehiyeya Şemamik a girêdayî Hewlêr a Başûrê Kurdistanê bi kêran hevjîna xwe qetil dike û piştre cenazeya wê dixe nav tenekeya xweliyê.

Li gorî agahiyên hatin bidest xistin navê jina hat qetilkirin Behar Zekerya Fetah e û kujer jî navê xwe A.Z.M e.

Her wiha hate zanîn ku polîs û ekîbên tendirustiyê çûne cihê bûyerê û A.Z.M li cihê bûyerê destgîr kirin û lêpirsîn dane destpêkirin.

Bi zêdebûna rêjeya qeyrana siyasî û debarî ya li Başûrê Kurdistanê diyardeyên wek qetilkirin, serjêkirin û destdirêjîkirina li ser jinan li Başûrê Kurdistanê her ku diçe zêdetir dibe. Hema bêje her hefteyê bûyerek bi vî rengî diqewime.