Li Gundê Şapatanê yê Navçeya Şemzînana Colemêrgê şewat derket. Li pişt gundê Şapatanê yê ku di 27'ê Tebaxê de heta 7 rojan qedexeya derketina derve lê hat îlan kirin û qedexe didome leşker derketin operasyonê. Piştî leşker derketin operasyonê li herêma daristanê şewat derket. Welatiyên ku bi telefonê li rayedaran geriyan û xwestin mudaxaleyî şewatê bikin tu bersîv negirtin. Li ser vê yekê welatî bi derfetên xwe hewl didin şewata li herêmê derketiye vemirînin.

Tevî hemû hewldanên welatiyan şewat li herêmê didome û her diçe berfireh dibe.