Li Geverê 3 leşkerên Tirk hatin kuştin

Gerîla, li dijî leşkerên Tirk ên li girê Qereqola Wargenima ya girêdayî Geverê çalakî pêk anîn. Di çalakiyê de bi qasî hate zelalkirin 3 leşkerên Tirk hatin kuştin.

Navenda Ragihandin û Çapemeniyê ya HPG’ê bi daxuyaniyekê ragihand ku hêzên wan ên YJA Star'ê di çarçoveya Pêngava Şoreşgerî ya Şehîd Bager û Şehîd Ronya de 8’ê Hezîranê ango îro saet 04:45’an li dijî yekîneya artêşa Tirk a dagirker a li girek Qereqola Wargenima ya girêdayî navçeya Gever a Colemêrgê çalakiyek pêk anîn. HPG’ê got: “Di vê çalakiyê de ku li çeper û kozikên leşkeran ên li gir bi xurtî hate xistin de bi qasî hate zelalkirin 3 leşker hatin kuştin. Piştî çalakiyê artêşa Tirk bi obus û hewanan qad bombe kirin.

7’ê Hezîranê balafirên şer ên artêşa Tirk a dagirker saet 07:00’an devera Şehîd Bêrîtan a girêdayî herêma Xakurkê ya Herêmên Parastinê yên Medyayê bombe kir. Di vê bomberdûmanê de ti windahiyên hêzên me nîne.”