Rûniştina 2’yemîn a doza Halîse Aksoy a ku hestiyên zarokê wê gerîlayê HPG’ê Agît Îpek di qutiyekê de bi rêya kargoyê teslîmî wê kiribûn û bi îfadeyên şahidê eşkere Umît Akbiyik hatibû girtin, wê di 12’ê Çileyê de li 10’emîn Dadgeha Cezayê Giran a Amedê bê dîtin. Parêzera Aksoy Zeynep Karayilan, da zanîn ku tevî pirsgirêkên tenduristiyê bi mehane Aksoy di girtîgehê de dît tê ragirtin û got ku li dijî Halîse Aksoy hiqûqa ceza ya dijminane tê pêk anîn.

Karayilan, anî ziman ku Aksoy tevî nexweşiyên giran ên kronîk jî ev 9 meh in di girtîgehê de tê ragirtin û ji bo rûniştina dozê ya 2’yemîn a ku wê di 12’ê Çileyê de bê dîtin banga xwedî derketinek xurt li jinan û saziyên demokratîk kir.