Êrîşên dagirkeriyê yên li ser herêma Çiyayê Cûdî ya li bejahiya Şirnexê dewam dikin. Têketina gundên li Çiyayê Cûdî ku her roj ji navenda Şirnexê û navçeya Silopiyayê sewqiyata leşkerî lê tê kirin, hat qedexekirin.

Ketin û derketina gundên Xinis, Şemga, Sorbitme û Girêçolya yên navçeya Silopiyayê yên li quntara Çiyayê Cûdî di 11'ê Gulanê de hatibû qedexekirin.

Vê carê jî ketin û derketina gundên Serêdehlê, Avgamasya û Şilewêt ên Şirnexê ku quntara din a Çiyayê Cûdî ye, hat qedexekirin. Hate zanîn ku kesên danê sibê xwestin biçin gundên pê hesiyan ku ketin û derketina gundan hatiye qedexekirin.