Li Amedê gelek siyasetmedar hatin binçavkirin
Polîsên Tirk li Amedê avêtin ser gelek malên siyasetmedarên Kurd. Aktîvîsta TJA'yê Ayşe Gokkan û Sara Aktaş, endamê Meclîsa DBP'ê Salih Keleş jî di nav de gelek siyasetmedarên Kurd hatin binçavkirin.
Li Amedê polîsan serê sibê bi ser gelek malên siyasetmedarên kurd de girtin. Polîsan di serdegirtina malan de aktîvîsta Tevgera Jinên Azad (TJA) Sara Aktaş, Ayşe Gokkan, Zeynep Altinkaynak, Nalan Gozenî, Şahcan Tunel, Sibel Îldan, Hatîce Uçar, Endamê Kongreya Demokratîk a Gelan (HDK) Abdurrahim Dag, Endamê Kongreya Civaka Demokratîk (KCD) Ercan Aslan, Devran Ak, Endamê Meclîsa DBP'ê Salih Keleş û Şaredara Rezan a Berê Yuksel Baran hatin binçavkirin. Kesên hatin binçavkirin sedema binçavkirina wan nehat zanîn. Siyasetmedarên Kurd birin Midûriyta Polîsan a Amedê.
