Li Êlihê, bi boneya cejnê gor hatin ziyaretkirin. Parlementera HDP’ê ya Êlihê Ayşe Acar Başaran, rêveberên HDP û DBP’ê yên bajêr, xizmên windayan, Dayikên Aştiyê û gelek kes tevlî serdana goristanan bûn.

Ji bo kesên jiyana xwe ji dest dane, rêz hat girtin û piştî rêzgirtinê gel qurnefîl danîn ser goran û dua kirin. Parlementer Ayşe Acar Başaran di serdanê de axivî. Başaran hemû kesên jiyana xwe ji dest dane b bîr anîn û wiha got: “Em kesên ku li vê xakê dijîn cejnên xwe li goristanan derbas dikin. Lê kesên li ser qoltixan rûdinên û zarokên gel dişinin şer jî tevî xizmên xwe cejnê derbas dikin.”

‘BIRYARA ŞER DIDIN Û ZAROKÊN GEL DIŞÎNIN MIRINÊ’

Başaran, destnîşan kir ku bi tevkariya AKP û MHP’ê şer kûrtir bûye û wiha nerazîbûn nîşan da: “Ev du sal in ku Erdogan û Bahçelî bi tevkariyî tevdigerin û şer kûrtir dikin. Ew biryara şer didin û zarokê gel dişinin mirinê.”

Başaran, di berdewamiya axaftina xwe de diyar kir ku ew xwedî li têkoşîna kesên ku jiyana xwe ji dest dane derdikevin û wê navê wan bi tîpên zêrîn li dîrokê bên nivîsandin.