Hevdîtinên şandeya KNK’ê li Hewlêrê berdewam dikin. Şande di saetên êvarê de li gel berpirsên Nûnertiya HDP’ê ya Başûrê Kurdistanê civiyan.

Piştî civînê Hevseroka Nûnertiya HDP’ê Nahîde Ermîş û Hevseroka KNK’ê Zeyneb Murad li ser naveroka civînê axivîn.

Nahîde Ermîş anî ziman ku wan di civînê de li ser rewşa Kurdistanê bi giştî û metirsiya êrîşên dewleta Tirk li ser Başûr axivîne.

Ermîş diyar kir ji bo derbaskirina rewşê, mijarên netewî û xurtkirina peywendiyên navxwe wek HDP ew ji her tiştî re amadene.

Hevseroka KNK’ê Zeyneb Mûrad jî destnîşan kirku wan li ser rewşa Kurdistanê bi taybetî Başûrê Kurdistan û dagirkeriya dewleta Tirk axivîn.

Mûrad da xuyakirin ku ew her du alî hem fikir bûn ku bi yekrêzî û yekdengiyê Kurd dikarin li dijî dagirkeriyê bi sekinin.