Daxuyaniya Komîteya Gelan û Baweriyan a KCK'ê wiha ye:

''Rojiyeke dî ya Muharemmê ku berxwedana Kerbela hate bibîranîn, qediya. Em hêvî dikin îbadeta Elewiyên ku bi girtina rojiyê û parvekirina pariyê Aşûreyê û  ya Misilmanên Şiî ku bi şîn girtinê bi bîr anîn, qebûl bibe.

Berxwedana Îmam Hisên berxwedaniyeke mezin a azadiyê ye ku bi tîpên mezin li pirtûka mirovahiyê hatiye nivîsîn. Hz. Hisên û heft û du can, dengê wijdanê ya gelên Rojhilata Navîn, dengê azadî û dadmeniyê ye. Ji ber vê, Hisên-î Kerbela, bi sedan sal in ji bo her kesê ku li ser doza heq û heqîqetê ye bi dirûşm, bûye hevrê. Maneya wê pir mezin e ku mirov berxwedaniyheke wiha ku em pê hewce ne bi bîr bînin û bidin jiyîn. Bi vê wesîleyê em hêvî dikin xizmeta Elewiyên can ku Kerbelayê bi rih, bîr û baweriya berxwedanê rojî digirin û pariyê xwe par ve dikin li defteya heq were nivîsin.  Her wiha em bawer dikin îbadet û diayên Misilmanên Şiî ku bi eynî hîs û ramanan Kerbelayê bi bîr tînin xwedî nirxekî mezin e.

Ya ku berxwedana Kerbelayê dike pîroz, rihê wê yê temsîl û dike û armanca wê ye daniya ber xwe. Berxwedaniya Kerbelayê ew bîr, vîn û biryardarî daye Elewiyan ku bikaribin bi rengekî xweştir ya heq û neheq, rast û nerast, çê û neçê ji hev veqetînin. Ya ku Hz. Hisên li nav Elewiyan dike xet û nasname ev bîr û bawerî ye. Çi canê Elewî ku di Muharrema îsal de axivî, xwestina wan a yekîtî û zindîbûna Elewiyan, banga ji bo tevlêbûna li têkoşîna demokratîk û diyarkirina ku encama herî rast a ku Elewî wê ji berxwedana Kerbela derxînin, bûye daxwazeke Hisêynî. Em tevger jî bawer dikin ji wê civaka ku berxwedanê pîroz dikin û bi bîr tînin, ji bo ku bi bîr bînin îbadetê digirin, têkoşîn e. Em dixwazin diyar bikin gewhera ku Elewîtiyê dike Elewîtî ev e. Rojiya dozdeh îmaman ku Elewî digrin û ku bi aşûreya par ve dikin bi bîr tînin, nirxê mirovî ku bi vê tê xwestin bidin jiyîn, herî pir jî îro ew e ku mirov bang li Elewiya bike ku li ser xeta Hisêynî bin.

Van rojên rojiya Mûharremê, dewleta Tirk li Şengalê bi qetilkirina Êzidiyan careke din Yezîtbûna xwe nîşan da. Bi munasebeta Aşûreyê ji bo piştgiriya bi Êzidiyan re em banga piştevaniyê li Elewiyan dike ku baweriya wan dişibe hev. Êrişa dewleta Tirk a li ser Êzidiyan êrişa li ser xelkên Iraqê hemûyan e, bi taybetî êrişa li dijî Misilmanên Şîa ye. Em di wê baweriyê de ne ku şertê dilsoziya bi Hisênî Kerbelayê ew e ku Misilmanên Şîa piştgiriyê bide daxwaza xweseriyê ku mafê xwezayî yê Êzidiyan e. Bi wesîleya rojên Aşûreyê em dixwazin bêjin ku Hisêniya vê demê ew e ku têkoşîna demokrasiyê li dijî dewleta Tirk bilind bikin, ku dewleta Tirk bûye serekê Yezît ê herêma me. Daxwaza xurtikrina têkiliyên biratiyê yên navbera gelan û baweriyan e. Bi vê wesîleyê di serî de Şîa yên Iraqî ku ji bo Îmam Hisên û şehîdên Kerbelayê şînê digirin em bang li her kesî dikin ku nehêlin Yezîtiya dewleta Tirk li Şengalê û qadên din ên herêma me, Kerbelayên nû biafirîne. Lewma jî ji bo têkoşîna hevpar em bang dikin. Em dixwazin destnîşan bikin ku sekna Huseynî banga ji bo yekîtiya li dijî zilmê ye.

Bi wesîleya rojiya Mûharremê û roja Aşûreyê, em ji dil hêvî dikin ku xizmet û rojiya duwanzdeh îmaman a mirovên ku Hz. Hisên di dilê xwe de hîs dikin, li deftera maf bê nivîsandin. Em careke din bang li dilxwazên Huseyîn dikin ku bi têkoşîna li dijî zaliman xwedî li bîranîna Îmam Hisênî û hemû şehîdan derkevin. Bi wesîleya rojê em diyar dikin, ku di têkoşîna azadiya ya Kurdistanê de ku tevgera hemdem a Hisênîye, xwedî li bîranîna wan derkevin û bang li her kesî dikin ku tevlî nava refên têkoşîna azadî û demokrasiyê bibin."