Navenda Ragihandin û Çapemeniyê ya HPG’ê li ser êrişên dewleta Tirk a dagirker û çalakiyên gerîla daxuyaniyek da.

Daxuyanî wiha ye:

“Di çarçoveya Pêngava Şoreşgerî ya Bazên Zagrosê de li herêmên Xakurkê û Zapê;

18’ê Tebaxê saet di 15:30’î de hêzên me li herêma Xakurkê bi çekên giran li çeperên dagirkeran ên li ser Girê Şehîd Şahan xistin. Bi rengekî serketî li çeperên hatibûn diyarkirin hate kirin.

21’ê Tebaxê saet di 20:30’î de li herêma Zapê li dijî dagirkerên li qada Cîlo yê Biçûk bi rêbaza sûîqestê çalakî hate kirin. Di encamê de dagirkerek hate cezakirin.

Herêma Avaşînê, qadên berxwedanê yên Girê Sor û Werxelê;

22’ê Tebaxê, artêşa Tirk a dagirker piştî ku bombe li qada Girê Sor barand, xwest ber bi qada berxwedanê ve bê. Bi destwerdana berxwedêrên Girê Sor re dagirker bê encam man û neçar man xwe vekişînin.

22’ê Tebaxê saet di 13:00 de û 23’ê Tebaxê serê sibehê artêşa Tirk a dagirker qada berxwedanê ya Werxelê ji qereqolên li ser sînor bi çekên giran bombe kir.

22’ê Tebaxê saet di navbera 23:40-01:30’î de qada berxwedanê ya Werxelê 5 caran bi teqemeniya ji aliyê dagirkeran ve hate bombekirin. Dagikeran hewl dan piştî vê bombardûmanê bi pêş ve biçin. Berxwedêrên Werxelê ev hewldana dagirkeran têk birin.

Li ser qadên berxwedanê liv û tevgera droneyan dewam dike.

21’ê Tebaxê saet di navbera 21:00-23:40’î de li herêma Avaşînê li qadên Mervanos, Tabûra Ereban, Girê Sor, Girê Spî û Girê Silêman helîkopter geriyan.

22’ê Tebaxê saet di 18:40’î de li herêma Metînayê quntarê Girê Çarçelê bi balafirên şer hate bombekirin.

22’ê Tebaxê saet di navbera 21:00-22:30’î de li herêma Zapê qadên Tîpa T û Girê Şehîd Sîmko bi helîkopterên êrişê hatin bombekirin.”