Li gorî agahiyên ji herêmê hatine bidestxistin, hêzên dagirker ên Tirk îro saet di 13:00 de bi fuzeyên katyûşa gundê Ûlaşli bombe kirin. Hat ragihandin, 5 fuze li gund ketine.

Piştî ku şervanên Meclîsa Leşkerî ya Minbicê pêşî li êrîşên hêzên dagirker ên Tirk û çeteyên wê girtin, artêşa Tirk dest bi bombekirina gundên li rojavayê Minbicê kirin.

Li gorî agahiyan, ji ber bomberdûmanê hin xanî xera bûne û zerara madî rû daye.