Gerîlayên Kurdistanê yên ku tevlî Pêngava Şoreşgerî ya Cenga Xabûrê bûne, derbên giran li artêşa Tirk a dagirker dixin. Gerîla ku bi moral û bi xurtî tevlî çalakiyan dibin gotin, "Em ji hêza xwe bawer in û tola hevrêyên xwe yên şehîd bûne ji dijmin hiltînin. Em ê bi çalakiyên xwe dijmin têk bibin."

Gerîlayên ku rê nadin dagirkeriya dewleta Tirk, bal kişandin ser serketina têkoşîna PKK'ê. Gerîlayan destnîşan kir ku di vî şerî de wê dîrokê binivîsînin û li dijî dijmin serketineke mezin bi dest bixin.

Dilê her gerîlayekî mîna volkanekê ye. bi çav û dilê xwe diaxivin. Şervanên Kurdistanê dema ku dikenin xwe digihînin dilê bi hezaran mirovî. Gerîla dibêjin, "Dem dema serketinê ye" û wiha dewam dikin, "Em ê bi hêza xwe şerekî mezin bikin û bi ser bikevin. Kelecana me mezin e."

Şervanên azadiyê bi pêşengiya hêzên YJA Starê bi daxwaza azadiyê li dijî êrişan canê xwe feda dikin. Gerîlayên azadiyê herî dawî vê peyamê didin: "Em şervanên Rêber Apo û PKK'ê ne. Em ê êrişên dewleta Tİrk têk bibin û dijmin li bin bixin. Heta ku gerîlayên azadiyê hebin wê dewleta Tirk nikaribe bi hêsanî vê xaka pîroz dagir bike. Têkoşîna me, berxwedana me wê bênavber dewam bike."