Taxa Kalecîk a navçeya Tûşba ya Wanê ku bi navê Lezkê jî tê naskirin, piştî Qirkirina Ermenan a 1915'an hate valakirin.

Dêr û dibistana li taxê bi demê re hilweşiyan, piştî erdheja li bajêr jî TOKÎ li taxê avahî çêkir.

Goristana Ermenan a li taxê jî ji aliyê kesekî ku tê îdîakirin xwediyê erd e çend roj berê bi makîneyên kar hate xerakirin.

Kêlên ku ji şûna wan hate derxistin, ax xistin şûnê. Her wiha hestiyên li hin gorên goristanê li derdorê hatin belavkirin.