Li Lelîkanê 4 leşkerên Tirk hatin kuştin -NÛ BÛ
Hêzên gerîla bi çalakiyên sabotajê bersivê didin êrîşên dagirkeriyê yên artêşa Tirk ên li herêma Bradostê. Li girê Lelîkanê 4 leşkerên Tirk hatin kuştin, 5 leşker jî birîndar bûn.
Hêzên gerîla bi çalakiyên sabotajê bersivê didin êrîşên dagirkeriyê yên artêşa Tirk ên li herêma Bradostê. Li girê Lelîkanê 4 leşkerên Tirk hatin kuştin, 5 leşker jî birîndar bûn.
Hêzên gerîla bi çalakiyan bersivê didin êrîşên dagirkeriyê yên artêşa Tirk ên li herêma Bradost a Başûrê Kurdistanê.
Çavkaniyên herêmî gotin, li dijî leşkerên Tirk ên êrîşî girê Lelîkanê dikin çalakiyeke sabotajê hatiye kirin.
Li gorî agahiyên gihîştin ber dest, di vê çalakiyê de herî kêm 4 leşkerên Tirk hatine kuştin, 5 jî birîndar bûne.
Tê gotin ku artêşa Tirk bi helîkopteran leşkerên xwe yên mirî û birîndar ji herêmê rakiriye.
Çavkaniyên herêmî yên ji Geverê jî ragihandin ku termên leşkeran û leşkerên birîndar bi 2 helîkopteran anîne nexweşxaneya dewletê ya navçeyê û nexweşxane li sivîlan hatiye girtin.
Navenda Ragihandin û Çapemeniyê ya HPG'ê hê li ser mijdarê daxuyaniya fermî nedaye.
Wekî din, eşkere bû ku PDK zextê li gelê herêmê dike ji bo kes li ber dagirkeriyê ranebin.