Fermandarê HPG’ê Hêvî: Gerîla wê bersivê bide êrîşan

Yek ji fermandarê HPG’ê Serhildan Rûgeş Hêvî êrîşên dagirker ên artêşa Tirk ên li ser Bradost û Xakurkê nirxand û got gerîla li Bradostê û Xakurkê berxwedaniyeke dîrokî dikin.

Yek ji fermandarê HPG’ê Serhildan Rûgeş Hêvî hewldana dagirkeriya li Xakurkê ya dewleta Tirk û li ser êrîşên berdewam ji ANF’ê re axivî.

Hêvî got dewleta Tirk li bara gerîla têk çûye û ev êrîş bi vê re têkildar in û diyar kir sedemeke dî ya van êrîşan ew e ku faşîzma AKP/Erdogan di krîzeke siyasî û aborî de ye.

GERÎLA BI ZÊDETIRÎ WÊ BERSIVÊ BIDE

Fermandarê HPG’ê Hêvî got artêşa Tirk a dagirker li Bradost û Xakurkê li vîna ji pola ya gerîla rast hatiye û got dewleta Tirk ji êrîşên dagirker ti encam nestandiye.

Hêvî diyar kir desthilatdariya faşîst  a AKP-MHP’ê li bara berxwedaniya gerîla xitimiye,dewleta Tirk ji bo ku pêşî li vê xistimanê veke biryara hilbijartinê daye. Hêvî diyar kir dewleta Tirk bi polîtîkayên xwe yên êrîşkar wê hewldanên xwe yên dagirkeriyê bidomîne û got gerîlayên HPG’ê, YJA STarê li her deverê, her demê ji şer re hazir in.

Hêvî diyar kir li Bradost û Xakurkê û li hemû Kurdistanê berxwedanî bi geşbûnê didome û diyar kir berxwedana gerîla wê dawiya desthilata AKP-MHP’ê bîne. Hêvî got gerîlayên azadiya Kurdistanê li dijî her êrîşê wê zêdetir bersivê bidin.

EM Ê ŞER LI HER DEVERÊ BERBELAV BIKIN

Fermandarê HPG’ê Hêvî diyar kir ku gerîlayên HPG’ê, YJA-Starê li dijî hewldana dagirkirinê bi rihekî fedaî şer dikin û domand: ‘’Ji zivistanî ve li Bradostê li ser gelê me êrîşên giran hene. Dîktatoriya faşîst a AKP-MHP’ê ji bo ku herêma Bradostê ji gel vala bike êrîşên xwe girantir dike. Em gerîlayên azadiya Kurdistanê li dijîjî van van êrîşan berxwedaniyeke dîrokî dikin. Ji ber ku gerîla li çar parçeyên Kurdistanê hêza parastina gel e. Ji bo vê jî, li dijî êrîşên dagirker gerîla her demê wê bersivê bide. ‘’

Fermandarê HPG’ê Hêvî diyar kir gerilayên HPG-YJA-Starê li dijî artêşa Tirk a dagirker çalakiyên pir serkeftî dikin û di çalakiyên gerîla de heta niha bi dehan leşker hatine kuştin. Hêvî got, li gel tevger û êrîşa artêşa Tirk a dagirker jî gerîla  çalakiya xwa û zîrektiya xwe ya tevgerê zêdetir kiriye.

Hêvî got gerîlayên HPG, YJA-Starê li dijî êrîşên dagirker berxwedaniya xwe wê domdar bike û destûrê nede ku desthila wan bidome û diyar kir di rojên pêş de şerê li dijî dewleta Tirk wê dijwartir bibe û şer wê tenê bi Başûrê Kurdistanê û Bakurê Kurdistanê re sînordar nemîne. Hêvî diyar kir şer wê li cografyayeke berfireh berbelav bibe.

LI BEJAHIYÊ NIKARIN ŞER BIKIN

Hêvî diyar kir ku dewleta Tirk di dijminatiya Kurdan ti sînoran nas nake û got ev dijminatiya dewleta Tirk bi dijminatiya dîrokî ya Kurdan re têkildar e.

Hêvî got artêşa Tirk ji bo ku meşa azadiyê û serfiraziyê ya sala 40’î ya gerîla asteng bike li ser xeta sînor û herêma Bradostê hewl dide ku bi navê ‘herêma ewlehiyê’ herêma tambon çêbike. Hêvî diyar kir ku artêşa Tirk ji bejahiyê ve nikare li dijî gerilayan şer bike û ji bo vê jî bêhtir teknîka şer bi kar tîne.

Hêvî diyar kir ku gerîla li djî êrîşên dagirker bi bawerî û vîneke mezn şer dikin û artêşa Tirk ji hêla gerîla ve hatiye pêçan.

SIVÎLAN DIKIN HEDEF

Hêvî got dewleta Tirk li Bradostê teknîkeke zêde bikar tîne û berê xwe dide êrîşên hewayî.

Hêvî got dewleta Tirk bi vê jîgehên sivîl ji xwe re dike hedef û domand: ‘’Artêşa Tirk a mêtinger ku ji êrîşên dagirker ti encamê naastîne li jîgehên gelê me dixe. Hema wiha bi hawan, obûsan herêmê bombe dike. Gundî nikarin biçin  eraziyê, nikarin sewalên xwe bibin çêriyê. Ango gelê herêmê nikare çandiniya xwe bike û sewalên xwe xwedî bike ku debara wan tenê bi vê ye. Gundiyek bi balafiran hate kuştin. Armanca dewleta Tirk ew e ku herêmê vala bike. Tê xwestin ku gelê me ji wir were kirin.’’

ÊRÎŞ JI PDK’Ê NE SERBIXWE NE

Hêvî got di êrîşên dagirker de yên li ser xeta Başûrê Kurdistanê para Barzanî û PDK’ê jî heye û bal kişande ser bêdeniya PDK’ê ya li bara êrîşan.