Êrişên dagirkeriyê yên artêşa Tirk ên li ser Başûrê Kurdistanê dewam dikin. Gerîlayên HPG'ê jî bi Pêngava Şoreşgerî ya Bazên Zagrosê bersivê didin êrişan. Gerîlayên HPG'ê Dilgêş Başkale û Akîf Arîn li ser Pêngava Bazên Zagrosê axivîn.

Gerîlayê HPG'ê Dilgêş Başkale anî ziman ku bi Pêngava Bazên Zagrosê ew dixwazin derbê li dewleta Tirk bixin û got, "Bi vê pêngavê em dixwazin dijmin poşman bikin ku hatiye Kurdistanê. Heval hemû giraniyê didin ser vê yekê. Ez di wê baweriyê de me ku di encama vê yekê de em ê derbên mezin li dijmin bixin."

Gerîlayê HPG'ê Akîf Arîn jî destnîşan kir ku armanca wan têkbirina dijmin li Zapê ye û got, "Hevalên li çeperên berxwedanê ne, hemûyan silav dikim. Şerê îsal ê navbera me û dijmin wê bibe fînal. Bi navê gerîlayên Kurdistanê me ê bersivê bidin bendewariyên xelkê xwe.Em ê dawî li tecrîda giran a li Îmraliyê bînin û bi Rêberê xwe re jiyana azad ava bikin."