Rûniştina destpêkê ya doza li dijî Hevşaredarê Sûrê Cemal Ozdemîr li 8'emîn Dadgeha Cezayê Giran a Amedê pêk hat.

Ozdemîr ê li Girtîgeha Tîpa H a Erzîromê girtî ye bi rêya SEGBÎS'ê tevlî rûniştinê bû.

Parêzer Şîlan Çelîk û Mehmet Oner li rûniştinê amade bûn.

Tevî dayika Ozdemîr Enzîle Ozdemîr û hevsera wî Salîhe Ozdemîr, parlamentera HDP'ê ya Amedê Dersim Dag, Hevseroka HDP'ê ya Amedê Hulya Alokmen Ûyanik û gelek kes tevlî bûn.

Ozdemîr bi bîr xist ku 3 meh in bi îdîayên bêbingeh tê darizandin.

Dozgeriyê jî nêrîna xwe pêşkêşî heyeta dadgehê kir û xwest ji 9 heta 22 salan cezayê girtîgehê lê bê birîn.

Heyeta dadgehê biryar da ku Ozdemîr girtî bimîne û rûniştin ji bo 16'ê Nîsanê taloq kir.