Endamê Lijneya Darayî ya li Parlamentoya Herêma Kurdistanê Umer Gulpî ku ser bi fraksiyoan Komeleya Dadgerî ya Kurdistanê ye, li baregeha hizba xwe ya li Silêmaniyê, derbarê dahat û mezaxtina Hikumeta Herêma Kurdistanê de daxuyaniyek çapemeniyê da.
Umer Gulpî destpêkê behsa dahata mehane ya Hikumeta Herêma Kurdistanê kir û got; “Her meh Hikumeta Herêma Kurdistanê ji firotina neftê, 570 milyar dînar bi dest dixe. Ev yek salê dike 6 tirilyon û 840 milyar dînar. Herwiha dahata mehane ya gumrik, bac û hevkariya hevpeyaman jî, 520 milyar dînare. Bi giştî dahata Herêma Kurdistanê salane dike 14 tirilyon û 80 milyar dînar.”
Umer diyar kir ku dahata mehane ya Herêma Kurdistanê 1 tirilyon û 90 milyar dînare, mezaxtina mehane ya muçeyê temam û wezaretan jî 995 milyar dînare. Gulpî anî ziman ku li gorî vê 95 milyar dînar ji dahata mehane ya herêmê, zêde dike û ji Hikumeta Herêmê re dimîne.
Li gorî parlamenter Gulpî Hikumeta Herêma Kurdistanê bi vê dahatê dikare mûçeyê karmendên herêmê bê ku bibire, belav bike. Umer got; “Ji ber dewamkirina gendelî û qaçaxçitiyê, hikumet nikare vê pêngavê biavêje.”