Cenazeyê Endamê Meclîsa Giştî ya Tevgera Azadî Sûheyl Xurşîd Ezîz ku îro di encama êrîşeke çekdarî de şehîd bû, bi merasîmeke girseyî li bajaroka Kifrî ya Germiyanê hat veşartin.

Cenazeyê Mamosta Şemal, piştî pêkanîna karûbarên olî, bi amadebûna malbat, endamên Tevgera Azadî û bi hezaran xelkê Kifriyê li Goristana Kifrî hat veşartin.

Îro nava rojê, Endamê Meclîsa Giştî ya Tevgera Azadî Sûheyl Xurşîd Ezîz ku weke mamosta Şemal tê nasîn û di heman demê de nivîskar û dîroknas e, dema ji kar vedigeriya mala xwe ya li Kifriyê, rastî êrîşeke çekdarî hat û şehîd bû.