Ji Fermandarên HPG’ê Ertan Erol Adara 2018’an li Dersimê di şerekê de şehîd bûbû, cenazeyê Erol îro ji aliyê malbatê ve ji Saziya Tipa Edlî ya Meletî hate wergirtin û ber bi gundê Afşeker yê navçeya Pêrtag a Dersimê ve ketin rê.

Malbata Erol, Hevserokên HDP’ê yên bajar Ozlem Toprak, Hidir Çîçek, Hevserokê DBP’ê Alî Kurd û bi dehan kes tevlî merasîma li gundê Afşeker a navçeya Pêrtagê hate lidarxistin bûn. Piştî wecîbeyên olî li Mala Cemê hatin pêkanîn û şûnde, helalî hate xwestin û dûa hatin kirin.

Cenazeyê Erol ê bi kes, sor û zer hatibû xemilandin li goristana gund hate veşartin. Di merasîmê de tim dirûşim hatin qîrkirin.

Hevserokê Partiya Herêmên Demokratîk (DBP) Alî Kurd ê di merasîmê de axiftineke kurt kir, sersaxî ji malbatê re xwest.

Sersaxî li mala Erol a gund tê pejirandin.