Li gorî agahiyên ji herêmê hatine bidestxistin, ji saetên êvarê ve  balafirên keşfê li ser esmanên Wargeha Penaberan a Şehîd Rûstem Cûdî (Mexmûr) pir nizim digerin.

Nayê zanîn bê ka balafir girêdayî kîjan hêzê ne. Li aliyê din liv û tevgera balafirên keşfê li herêmê didome.

Hêjayî bibîrxistinê ye ku çeteyên DAÎŞ'ê di 2'ê Sibatê de êriş biribûn ser Wargeha Penaberan a Şehîd Rûstem Cûdî (Mexmûr). Çeteyan li Çiyayê Qereçoxê sê şivanên ku pezê xwe diçêrandin birîndar kirin û her du çete piştre bi destwerdana gerîlayên HPG'êre di şer de hatin kuştin.

Li ser 2 DAÎŞ'iyên ku li herêma Mexmûrê sê şivan birîndar kirin û piştre ji aliyê gerîlayên HPG'ê yên Mexmûrê ve hatin kuştin, êlekên bi îmzeya serçete, mal û dermanên Tirk hatin dîtin.