Artêşa Tirk û çeteyên wê topan davêjin gundên Arîma
Êrîşên artêşa Tirk û çeteyên wê yên li dijî Minbicê û gundên li derdorê dewam dikin. Li gorî agahiyan, artêşa Tirk tevî çeteyên xwe topên obusê avêtine vê herêmê.
Êrîşên li dijî gundên li navçeya Arîma ya li rojavayê Minbicê dewam dikin. Artêşa Tirk di vê kêliyê de jî topên obusê davêje gundên Arîma.
Duh jî hêzên Tirk êrîşî gundên li rojavayê Minbicê kiribûn û ev êrîş hatibûn şikandin. Di encamê de 12 çete hatibûn ukştin. Panzereke artêşa Tirk jî ketibû destê şervanên Meclîsa Leşkerî ya Minbicê.
