Şeata ku 17’ê Tebaxê leşkerên Tirk li navçeya Xozat a Dersimê agir berdabû daristanên dikeve navbera Tanzig, gundê Kûrûkaymak û gundikê Koçeri destpêkiribû, belavî gundên Ûzûnmeşe, Degîrmendere, Derekoy, gundê Karper a navçeya Pulûr û gundikên Çamûrek û Hinzorî bûne.

RÊ NADIN KU GEL AGIR VEMIRÎNIN

Gel diyar dike ku 16’ê Tebaxê Balafirên Keşêfê yên Bêmirov ên Biçek (SÎHA) 3 caran bombe li qadê barandine. 17’ê Tebaxê jî helîkopterên şer bombe li qadê barand û şewat derket. Gel diyar kir ku şewat 12 roj in didomin û got: “Li gel ku mudaxeleyî şewatê nayê kirin, rê nadin ku welatî jî biçin agir vemirînin. Daristan bûn xwelî. Bi rojan e şewat didome, dûyek bilind li herêmê heye.”

Gundiyek ji gundê Karper anî ziman ku gundê wan sala 1994’an jî hatiye şewitandin û got: “Eger mudaxele neyêkirin, wê dubare gund bişewite. Her wiha şewat gihiştiye gundikên Çamûrek û Hinzorî yê. Divê ji esmanan ve mudaxeleyî şewatê bê kirin.”