Di daxuyaniya Navenda Ragihandin û Çapemeniyê ya HPG'ê de hate gotin, "Gerîlayên Azadiyê yên Kurdistanê ku li li dijî êrîşa dagirkeriyê ya dewleta Tirk a mêtinger berxwedaneke dîrokî nîşan didin û ber bi serketinê ve dimeşin, di nava şert û mercên herî zehmet de şer dikin û derbên giran li dagirkeran dixin. Tevî ku artêşa Tirk a dagirker a li ber têkçûnê ye bi her re û rêbazên şerê qirêj û teknîka bê dawî êrîş dike, Gerîlayên Azadiyê yên Kurdistanê yên xwe bi îradeya Apoyî xemilandine, taktîkên gerîlatiya serdema nû bi hostatî dixin meriyetê, berxwedanê dewam dikin û careke din nîşan didin ku yekane heza parastinê ya gelê me ye.

Di encama çalakiyên hêzên me de ku hêviya azadiyê ya gelê me ne û bi rengekî fedaî şer dikin; 11 dagirker hatin cezakirin, 2 çekên MPT-55, 2 dûrbînên termal, sîstemeke radarê û fenerek desteser kirin, wesayiteke leşkerî ya bi tîpa Toyota û çeperek rûxandin. Artêşa Tirk a dagirker Qadên Berxwedanê 6 caran bi bombeyên taktîk nukleer û çekên kîmyewî, 31 caran bi helîkopterên êrîşê, 8 caran bi balafirên şer, bi dehan caran bi obus, hawan û çekên giran bombe kir."

Agahiyên berfireh ên li ser çalakiyan û êrîşan wiha ne:

Di çarçoveya Pêngava Şoreşgerî ya Bazên Zagrosê de li herêma Xakurkê;

23'ê Tebaxê li herêma Xakurkê, konvoyeke artêşa Tirk a dagirker ku ji qada Lêlkanê diçû qada Kevortê ji ailyê tîmên me yên bi tevger ve hate kontrolkirin û piştre li hemberî wesayiteke leşkerî ya bi tîpa Toyota çalakiya sabotajê kirin. Di vê çalakiyê de 4 dagirker hatin cezakirin, wesayita bi tîpa Toyota hate îmhakirin.

28'ê Tebaxê saet di 11:30'î de li qada Girê Şehîd Derwêş a Xakurkê, tîmên me yên bi tevger bi çekên giran derb li dagirkeran xistin.

28'ê Tebaxê saet di 14:00 de li qada Girê Şehîd Şahan a Xakurkê, bi çekên giran li çeperên dagirkeran hate xistin. Di vê çalakiyê de 3 dagirker hatin cezakirin, çeperek hate rûxandin.

Di çarçoveya Pêngava Şoreşgerî ya Bazên Zagrosê de li Zapê;

27'ê Tebaxê li dijî dagirkerên ku dixwestin bikevin nava tunelên şer ên li Girê Şehîd Arjîn, tîmên me yên bi tevger ên YJA Starê saet di 10:00 de bi sabotajê çalakî kirin. Di vê çalakiyê de 2 dagirker hatin cezakirin. Hêzên me bi wêrekiyeke mezin û ruhê fedaî yê Apoyî çûn ser cenazeyên dagirkeran, 2 çekên MPT-55, 2 dûrbînên termal, sîstemeke radarê û fenerek desteser kirin.

Ev çalakî ji aliyê hêzên me yên YJA Starê ve ji bo bîranîna hevrêyên me Dogan, Karker û Rojda hate lidarxistin, ku bi fedaî li dijî dagirkeran şer kirin û şehîd bûn.

28'ê Tebaxê saet di 08:30'î de li Qada Berxwedanê ya Saca, li dijî dagirkerên ku berê xwe dabûn çeperên şer ên li Girê Şehîd Lewend, tîmên me yên bi tevger bi çekên giran çalakî kirin.

28'ê Tebaxê saet di 15:30'î de li Qada Berxwedanê ya Çemço bi çekên giran li dagirkeran hate xistin. Piştî vê derba tîmên me yên bi tevger, dagirker neçar man bi astekê xwe vekişînin.

28'ê Tebaxê saet di 18:30'î de li Qada Berxwedanê ya Çemço, tîmên me yên bi tevger derb li dagirkeran xistin ku berê xwe dabûn çeperên şer. Piştî vê lêdanê dagirker li qadê belav bûn û bi sûîqestê derbeke din li dagirkeran hate xistin, dagirkerek hate cezakirin.

Di çarçoveya Pêngava Şoreşgerî ya Şehîd Savaş Maraş a Cenga Xabûrê de;

28'ê Tebaxê saet di 09:00, 10:20 û 11:15'an de li hemberî dagirkerên ku berê xwe dabûn çeperên şer ên li Qada Berxwedanê ya Girê Cûdî 3 çalakiyên sabotajê hatin lidarxistin.

28'ê Tebaxê saet di 22:15'an de li Qada Berxwedanê ya Girê Cûdî tîmên me yên bi tevger bi sûîqestê li dagirkeran xistin, di encamê da dagirkerek hate cezakirin.

Li herêma Avaşînê;

28'ê Tebaê saet di navbera 09:00-12:00 de artêşa Tirk a dagirker ku bi mehan e nikarin bikevin hundirê tunelên şer ên li Qada Berxwedanê ya Werxelê, xwestin kûçikan bişînin. Lê belê tevî ku dagirkeran bi saetan hewl dan, kûçik newêrîbûn bikevin hundirê çeperên şer. Dagirkerên ku nekarîn kûçikan bişînin hundirê tunelên şer, neçar man ku bi astekê xwe vekişînin.

28'ê Tebaxê artêşa Tirk a dagirker hewl da bi kepçeyan çeperên şer û tunelên li Qada Bexwedanê ya Werxelê hilweşîne.

Êrîşên artêşa Tirk a dagirker ên bi bombeyên taktîk nukleer û çekên kîmyewî;

28'ê Tebaxê çeperên şer ên li Qadên Berxwedanê yên Girê Cûdî, Şikefta Birîndara û Saca, 6 caran bi bombeyên taktîk nukleer û çekên kîmyewî hatin bombekirin.

28'ê Tebaxê çeperên şer ên li Qada Berxwedanê ya Şikefta Birîndara bi droneyên bombebarkirî hatin bombekirin.

Êrîşên artêşa Tirk a dagirker ên bi obus, hawan, çekên giran, helîkopter û balafirên şer:

27 û 28'ê Tebaxê Qadên Berxwedanê yên Girê Amediyê, Çemço û Saca 31 caran bi helîkopterên êrîşê hatin bombekirin.

28'ê Tebaxê drone li ser Qadên Berxwedanê yên Girê Cûdî, Girê FM û Girê Şehîd Adil geriyan.

28'ê Tebaxê Qadên Berxwedanê yên Girê Şehîd Adil û Girê Sîda 8 caran bi balafirên şer hatin bombekirin.

28'ê Tebaxê Qadên Bexwedanê yên Girê Cûdî, Girê FM, Çemço, Girê Sîda û Girê Şehîd Adil bi obus, hawan û çekên giran bi dehan carî hatin bombekirin."