Di çarçoveya operasyonên qirkirina siyasî de li navçeya Stewrê ya Mêrdînê welatiya bi navê Nazmiye Dogan ku rapora wê ya ji sedî 90 nexweşa derûnî ye heye, ji aliyê polîsan ve hat binçavkirin.

Li Taxa Ehmedî ya Stewrê ya Mêrdînê welatiya bi navê Nazmiye Dogan (22) a ji sedî 90 nexweşa derûnî ye di serdegirtina malan de ji aliyê polîsan ve hat binçavkirin.

Dogan ku li wesayîta zirxî kirin û birin Midûriyeta Polîsan a Stewrê, hat hînbûn ku bi hinceta ku di Newrozê de pankart vekiriye, hatiye binçavkirin.

Tevî ku rapora Dogan a ji sedî 90 nexweşa derûnî ye heye jî hat binçavkirin û hat hînbûn ku ji bo rapora wê bê peyîtandin, birine nexweşxaneyê.