Tevgera Jinên Azad (TJA), di çarçoveya 25’ê Mijdarê de li navçeya Avcilarê ya Stenbolê ji bo jinên hatine qetilkirin çalakiya zincîra mor li dar xist. Hevseroka HDP’ê ya Stenbolê Elîf Bûlût, aktîvîstên TJA’yê dayiken aştiyê û gelek jin tevlî çalakiyê bûn. Di çalakiyê wêneyên jinên ku hatine qetilkirin û pankarta "Em Xwe Diparêzin" û dovîzên “Jin jiyan azadî’, “Efûya îstismara zarokan nabe” hatin hilgirtin.

Di çalakiyê de Aktîvîsta TJA’yê Turkan Kocadag axivî û jinên ku di demên cuda de hatibû qetilkirin bi bîr anî û diyar kir ku wê jin xwe biparêzin. Kocadag, di dawiya axaftina xwe de bang li jinan kir ku di 25’ê Mijdarê de dakevin qadan û daxwaza mafên xwe bikin.