Rûniştina doza nûçegihana JINNEWS'ê Rabîa Onver ku ji ber parvekirinên li ser medyaya dijîtal bi îdiaya "popagandaya rêxistinê" lê hatibû vekirin, li Dadgeha Cezayê Giran a 2'yan a Wanê hat lidarxistin. Rojnamevan Onver û endama Komeleya Hiqûqnasên Ji Bo Azadiyê (OHD) Parêzer Harîka Gunay Karataş li Edliyeya Geverê bi rêya Pergala Deng û Dîmenê (SEGBÎS) tev li rûniştinê bûn. Her wiha nûnerên MLSA'yê û rojnamevan jî tev li rûniştinê bûn. Di rûniştina ewil de dozger xwestibû ku bi îdiaya "propagandaya rêxistinê" sal û 5 meh cezayê girtîgehê li Onverê bê birîn.

Piştî tespîtkirina nasnameyê Onverê parastina xwe ya berê dubare kir û doza beraetê kir.

Parêzer Karataşê jî bal kişand ser delîlên polîsan û destnîşan kir ku ev delîl dijî hiqûqê ne û wiha got: "Dozên bi vî rengî ji bo pêşî li ber çapemeniya azad bê girtin tên vekirin." Karataşê anî ziman ku ew van sûcên tên îstinadkirin qebûl nakin û wê jî doza beraeta muwekîla xwe kir.

Heyeta dadgehê jî bi hinceta "propagandaya rêxistinê" sal û 6 meh û 27 roj cezayê girtîgehê li Onverê birî û ceza taloq kir.