Kongreya Jinên Azad (KJA) di çarçoveya kampanya “Ez xwedî li Rêbertî, ax, azadiya xwe derdikevin” de li Alîgor û Pirsûsê alîkarî kom kirin û ber bi qadên xwerêveberiyê ve şandin.

Di pêşengiya KJA de Rêxistina Partiya Herêman a Demokratîk (DBP) a Bajarê Rihayê xurak, cil, betaniye û amûrên jiyanî kom kirin û ji bo Yekgirtina Şaredariyan a GAP’ê ya Amedê re şandin.

Rêvebera DBP’a Rihayê Gulse Koçtû anî ziman ku alîkarî bi gelê Pirsûsê re berhev kirine û wiha dewam kir; “Me dixwest ku di rojên hê xweştir de xwe bigihînin hevalên xwe yên jin ên li Sûr, Nisêbîn û Cizîrê. Lewre jî em hemû xemgîn in. Bajar û mal hatin hilweşandin. Lewma jî em ê bi vê armancê komkirina alîkariyan bidomînin.”