Civaka Jinên Azad a Rojhilatê Kurdistanê (KJAR) ji ber salvegera Komkujiya Şengalê û serweriya rejîma Telîbanê li Efxanistanê, ji bo piştevaniya bi kampanyaya Komalên Jinên Kurdistanê (KJK) bi dirûşmeya ‘’Li dijî êrîşên serweriya mêr, em bi jinên Efxan û Şengalî re ne’’, wê konferansekê li Kolnê li dar bixe.

Tê payîn ku Berpirsa Tevgera Jinên Azadîxwaz Tamna Zaryab Perîanî, Nûnera Rêxistina Sîwan a Meclisên Jinên Êzidî (SMJ-Ê) Mecbûre Oba û Rojnamevan Aktîvîsta Mafên Mirovan Roza Sabet û gelek jin tev li konferansê bibin.

Navnîşana konferansê ku wê li Allerweltshaûsê bê lidarxistin ev e: Geisselstrasse 3-5, 50823 Koln