Hevseroka Giştî ya Partiya Demokratîk a Gelan (HDP) a berê Serpîl Kemalbay ku di 13’ê Sibatê de, li ber Edliya Enqerê hatibû binçavkirin, dest bi greva birçîbûnê kir. Polîsan Kemalbay xistine hucreya ji bo kesekê û polîs cilên Kemalbay nadinê.

Li gorî agahiyên Buroya Çapemeniya HDP’ê, Kemalbay li dijî bêmafî, binçavkirin û lêpirsîna bêhiqûqî dest bi greva birçîbûnê kir.

‘EM Ê BI HEV RE  BI SER BIKEVIN’

Kemalbay bi rêya parêzerên xwe ev peyam şand;

 “Em ê civakek demokratîk, wekhev, azad ava bikin. Em ê bi hev re têbikoşin û bi hevre di nava aştiyê de bijîn. Wê têkoşîna me ya derve û hundir berdewam bike. Em ê qezenc bikin, wê jin qezenc bikin û hemû gel wê qezenc bikin.”