Jinên ji sê parçeyên Kurdistanê, êrîşên dagirkeriyê yên dewleta Tırk ên li ser Başûrê Kurdistanê şermezar kirin, daxwazname pêşkêşî Hikûmeta Kurdistanê û parlemetoyê kirin. Jinan li dijî dagirkeriyê banga rabûnê li her kesê kirin.
Nivîskar û rojnamevan jî di nav de nûnerên partî û rêxistinên jinan ên ji Başûr, Rojhilat û Rojavayê Kurdistanê pêk tên, li avahiya Yekîtiya Jinan a Silêmaniyê civînek ya çapemeniyê lidar xistin. Di civînê de bal hate kişandina ser dagirkeriya dewleta Tirk a li ser xaka Başûrê Kurdistanê.
‘DIVÊ HEMÛ HÊZÊN KURDISTANÊ LI DIJÎ DERKEVE’
Li ser navê jinên nivîskar û rojmaneger Kinêr Ebdulah axivî û got ku ew weke jinên Rojhilat, Rojava û Başûrê Kurdistanê van êrîşên dewleta Tirk ên li ser xaka Herêma Kurdistaên şermezar dikîn.
Kinêr Ebdullah destnîşan kir ku divê li dijî dagirkeriyê hemû hêzên Kurdistanê bibin xwedî helwest û da zanîn ku wan jî weke rêxistinên jinan daxwazên xwe pêşkêşî Parlamento û Hikûmeta Herêma Kurdistanê kiriye.
DAXWAZ
Jinan daxwazên xwe wiha anîn ziman:
1 – Em daxwaz ji Parlamentoya Herêma Kurdistanê dikin ku sînorên herêmê ji dewleta Tirk re bigire û bi lezgîn civînekê pêk bîne.
2 – Kar û xebat bikin li ser biryara bi hejmara 37 ya sala 2003’an ku Parlamantoya Herêma Kurdistê girtibû û dewleta Tirk ji xala Başûr derbixin.
3 – Em daxwaz ji hikûmeta Iraqê jî dikin peymanên xwe yên bi dewleta Tirk re betal bike.
4 - Pêwîste di her alî de parastina mafê mirov bê kirin, bi tayebet jî mafên kesên di bin metirsiya dagirkerî û bombabaranê de ne bên parastin.
