Jina bi navê Yeter Pehlîvan ku roja Sêşemê li paytexta Elmanya Berlînê ji aliyê hevserê xwe Mehmet Emîn Pehlîvan ve bi kêrê birîndar bû û dihat dermankirin, li nexweşxaneyê jiyana xwe ji dest da.

Yeter Pehlîvan ji roja Sêşemê ve di servîsa lezgîn de bû, lê duh êvarê mejiyê wê mir.

Têkildarî kuştina Yeter Pehlîvan a ji Rihayê, Melcîsa Jinê DESTDAN a Berlînê daxuyaniyek weşand û kuştin b tundî şermezar kir.

Di daxuyaniyê de hate ragihandin, mejiyê DAIŞ'ê di kuştina jinan de dewam dike û hat gotin, "Me yê roja Înê li pêş nexweşxaneya lê bû, çalakiya protestoyî lidar bixista. Lê mixabin agahiya mirina wê gihîşt me. Dîsa jî em ê dest ji vê cînayetê bernedin. Em bang li hemû jinan û kesên ji xwe re dibêje 'ez mirov im' dikin, ku bala xwe li ser vê mijarê be û lenetê li vê zîhniyeta barbar bînin."