Bi hezaran aktîvistên DOKH'ê, darbesta endama Meclîsa Jinan a BDP'ê ya Kuçukçekmeceyê û aktivîsta DOKH'ê Nazliye Sincar ku di 1'ê Îlonê Roja Aştiya Cîhanê de ji aliyê hevserê xwe yê berê ve hat kuştin, li ser milên xwe heta goristanê birin û spartin axê. 

Bi hezaran aktîvistên DOKH'ê, cenazeyê Meclîsa Jinan a BDP'ê ya Kuçukçekmeceyê û aktivîsta DOKH'ê Nazliye Sincar ku di 1'ê Îlonê Roja Aştiya Cîhanê de ji aliyê hevserê xwe yê berê ve hat kuştin, li ser milan birin goristanê û spartin axê. 

Cenazeyê Sîncar, duh piştî otopsiya saziya edlî teslîmî malbatê hatibû kirin. Malbatê û endamên Meclîsa Jinan a BDP'ê li taxa Kanarya ya Kuçukçekmeceyê, cenaze anîn Mizgefta Fevzi Çakmakê. Bi hezaran jinan li ber mizgeftê nobet girtin û îro cenaze bi girseyî li taxa Kanarya defin bikin. Aktîvîstên DOKH, BDP'ê, SKM, EMEP, HDK, piştî cenaze birin malbata Sincar a li taxa Kanarya pankarta "Em guleya berdane aştî û jinê lanet dikin" vekir û bê navber siloganên "Jin jiyan azadî", "Zilam dikuje, dewlet diparêze" û "Destê dirêjî jinê dibin bila bişkê" berz kirin.
Cenaze li Goristana Kanarya bi xwendina duayên kurdî spartin axê. 

TÛNCEL: HEVALA ME SÎNCAR DÊ JI ŞER DE BIGOTA NA

Parlamentera BDP'ê ya Stenbolê Sebahat Tuncel, li ser gora Sîncar axivî û weha got: "Hevala me Sîncar her tim ji bo aştî û azadiyê têkoşiya. Herî dawî ji bo aştiyê û li dijî şer ket rê. Dê ji şer re bigota na. Lê ji ber ku pêşengî ji tevgera azadiya jinê û vîna jinê re kir, ji aliyê feraseta serdest a zilam ve hat kuştin.

Piştî axaftinê merasima cenaze bi dawî bû.