Nîlufer Turkoglû (36) ya li ber Qeymeqamiya Peyasê ji aliyê hevserê xwe yê berê ve hat kuştin, derket holê ku ji ber gefên hevserê wê yê berê 3 caran daxwaza parastinê kiriye.

Li gorî agahiyên hatin bidestxistin, Nîlufer Turkoglû (36) ya li ber Qeymeqamiya Peyasê îro ji aliyê hevserê xwe yê berê Mûrat Turkoglû ve hat kuştin, 3 caran doz li dewletê kiriye ku wê biparêze.

Hat hînbûn, Nîlufer Turkoglû ji ber dijwarî û gefên Mûrat Turkoglû 3 caran daxwazname pêşkêş kir û tevî vê yekê jî, ji bo parastina jinê tedbîr nehatin stendin.