Girtiyên jin ên li Girtîgeha Jinan a Sîncan a Enqerê, bi armanca piştgirîdayîna şoreş û gelê Rojava, ji bo du rojan dest bi greva birçîbûnê kirin.

Girtiyên jin ên ji dozên PKK, MLKP û girtiyên din ên siyasî yên li girtîgeha Jinan a Sîncanê, bi armanca piştgirîdayîna şoreşa Rojava ji bo du rojan dest bi greva birçîbûnê kirin.

Girtiyên jin duh dest bi grevê kirin û wê çalakiya xwe îro bi dawî bikin.

Girtiyên jin dan xuyakirin ku ewê piştevaniya xwe bi awayên cuda nîşan bidin û bang li her kesî kir ku xwedî li şoreş û gelê Rojava derkeve.

Li Girtîgeha Ciwan û Zarokan a Sîncanê jî 4 girtiyên zarok jî ji bo Rojava duh dest bi greva birçîbûnê ya 2 rojan kiribûn.