Partiya Wekhevî û Demokrasiyê ya Gelan (DEM Partî) piştî 45 salan Şaredariya Curnê Reş a Rihayê bi dest xist. AKP’ê ji bo 15 sindoqan îtîraz kir. Ji ber îtîraza AKP’ê dê lijneya hilbijartinê ya navçeyê saet di 15.00’ê de bicive û biryarê bide.

Li ser banga DEM Partiyê bi hezaran kes ku di nav de Parlementerê Rihayê Omer Ocalan û hevşaredarên 7 navçeyên hatine hilbijartin jî hene, li ber avahiya navçeyê ya partiyê li hev kom bûn. Bi hezaran kes bi dirûşmeya “Curnê Reş a me ye, wê her ya me bimîne” berê xwe dan avahiya edliyeyê ya ku wê lijneya hilbijartinê lê bicive. Polîsan xwest bi barîkatan meşa gel asteng bikin. Lê belê gel barîkatan derbas kirin û xwe gihandin parka li ber edliyeyê.

Her ku diçe girseya gel bi berzkirina dirûşmeyan mezin dibe.