Greva birçîbûnê ya li Strasboûrgê ku ji bo rakirina tecrîdê pêk tê, di roja 31'ê de ye. Li ber Parlamenta Ewropayê bi dirûşma "Em tecrîdê bikişînin, faşîzmê hilweşînin, Ocalan azad bikin" çalakî tê lidarxistin.
Ji bo bidawîbûna tecrîdkirina Rêberê Gelê Kurd Abdullah Ocalan û serbestiya wî, grevên birçîbûnê yên bêdawî û bêdorveger ên Hevseroka KCD'ê Leyla Guven, girtiyên ji doza PKK û PAJK'ê, berxwedêrên li Hewlêr, Galler û Strasboûrgê dewam dikin. Li bajarê Strasboûrg ê Fransayê, bi heman armancê li ber Parlamenta Ewropayê mîtîngeke mezin a protestoyî tê lidarxistin.
Kurdistaniyên li Elmanya, Fransa, Belçîka, Swîsre û Hollandayê, danê sibehê tevî dostên xwe hatin Strasboûrgê û li ber avahiya Parlamenta Ewropayê li hev civiyan.
Endamên Koma Berxwedan Diyar û Hozan Şemdîn jî di nav de gelek hunermend tevlî çalakiyê bûne.
Girseya gel tim û tim dirûşmên "Bê Serok jiyan nabe", "Azadî ji Ocalan re", "Faşîst Erdogan", "Berxwedan Jiyan e" û "Bes e ji tecrîdê re" diqîrin. Çalakî ji aliyê gelek endamên çapemeniyê ve tê şopandin.
14 berxwedêrên greva birçîbûnê ya bêdawî û bêdorveger a li Strasboûrgê jî hatin qada mîtîngê. Hin organên çapemeniyê yên Ewropayê ku mîtîngê dişopînin, hevpeyvîn li ser greva birçîbûnê û tecrîdê kirin.
