Rêxistina Ewropayê ya Partiya Jinûve Vesazkirinê ya Sosyalîst (SYKP) bi daxuyaniyeke nivîskî got, "Hêzên Hayat Tahrîr El Şam (HTS) ku koalîsyoneke rêxistinên cîhadîst e û bi desteka DYE’yê, Brîtanya, Îsraîl û Tirkiyeyê li Sûriyeyê dest danî ser desthilatdariyê, zext, tundî, talan û komkujî li dijî hemû beşên civakê yên ne ji wan e, dikin. Di van êrîşan de ku bi taybetî civakên Elewî û Xiristiyanên Ereb û beşên laîk hedef digire, gelek kes hatin revandin, bi rengekî bê daraz hatin înfazkirin û kuştin. Cihên pîroz, mal û kargehên aîdî van komunan hatin şewitandin, xerakirin, talankirin û desteserkirin."

Di daxuyaniyê de hat gotin, "Li Lazkiye, Hums û Tartûsê gelê Elewî li dijî êrîş û komkujiyan derketin kolanan û bi awayekî demokratîk nerazîbûnên xwe raber kirin. Lê hêzên çekdar ên HTS'ê gule avêtin girseya gel û ev yek bû sedem ku rîskên komkujiyê zêde bibe.

Li dijî komkujiyên li ser Elewî, Xiristiyan, Durzî, Suryanî, Asûrî, Kurd, Jin û beşên laîk ên civaka Sûriyeyê em bang li raya giştî ya Ewropayê dikin ku bikevin nava tevgerê.

Federasyona Yekîtiyên Elewiyan a Ewropayê û Federasyona Elewiyên Ereb ên Ewropayê wê di 4’ê Çileya 2025’an de saet 11:00’an li Strasboûrgê bi awayekî girseyî daxuyaniya çapemeniyê lidar bixe. Weke rêxistina SKYP’ê Ewropa, em ê jî beşdarî daxuyaniya çapemeniyê bibin û bang li civaka navneteweyî bikin ku ji bo avakirina Sûriyeyeke demokratîk bikeve nava tevgerê."