Kurdistaniyên bi pêşengiya TCŞ’ê li bajarê Marsîlya yê Fransayê li hev civiyan, tecrîda li ser Rêberê Gelê Kurd Abdullah Ocalan şermezar kirin. Di çalakiyê de peyamên piştgiriya ji bo DEM Partiyê jî hatin dayîn.
Gelek Kurdistanî û dostên wan beşdarî mîtînga ku li qada Canebier a li navenda Marsîlyayê hat lidarxistin bûn. Çalakvanên ku posterên Rêberê Gelê Kurd Abdullah Ocalan hilgirtin beriya mîtîngê ji bo şehîdên şoreşa Kurdistanê deqeyek rêz girtin.
Fethî Tatos ê di mîtîngê de axivî, diyar kir ku divê azadiya fîzîkî ya Abdullah Ocalan bê misogerkirin û tecrîd tavilê bi dawî bibe.
Nûnerên partiya CPT'ê di axaftinên xwe de DEM Partî ya ku di hilbijartinên xwecihî yên 31'ê Adarê de serkeftineke mezin bi dest xist silav kirin û tecrîd şermezar kirin.
Mîtînga ku gelek caran dirûşmên “Ji Ocalan re azadî” hatin berzkirin, bi axaftina Hevserokê Navenda Civaka Demokratîk Enes Karliova bi dawî bû.
