Li bajarê Poltenê yê Awûstûryayê bi wesîleya 25’emîn salvegera Komploya Navneteweyî ya ku Rêberê Gelê Kurd Abdullah Ocalan radestî dewleta Tirk kirin, meşek hat lidarxistin.

Di meşa bi pêşengiya DEM-KURD'ê hat lidarxistin de pankarta "Em tecrîdê bişkînin, faşîzmê hilweşînin, Rêber Apo azad bikin" hat hilgirtin.

Girseya ku flamayên ku wêneyên Rêberê Gelê Kurd Abdullah Ocalan lê bûn hildan û dirûşmên "Bê Serok jiyan nabe" û "Bijî Serok Apo" berz kirin.

Meş ji ber avahiya Navenda Civaka Kurd a Demokratîk a Poltenê dest pê kir û yek ji qadên navenda bajêr li Herrenplatzê bi dawî bû.

Di çalakiyê de banga tevlîbûna meşa mezin a sibê li Viyanayê bê lidarxistin hate kirin.