25’emîn salvegera komploya navneteweyî ya li dijî Rêberê Gelê Kurd Abdullah Ocalan li banliyo Villiers-le-Bel a paytexta Fransa Parîsê bi meşeke girseyî hat protestokirin.

Girseya ku li ser banga Meclisa Jinan a Şehîd Evîn Goyî û Meclîsa Gel a Demokratîk li ber stasyona Villiers-le-Bel hatin cem hev, devê xwe maskeyên reş  girtin û bertek nîşanî komployê dan.

Di tevahiya meşê de ji bo azadiya Rêberê Gelê Kurd Abdullah Ocalan bênavber dirûşmên “Bijî Serok Apo” û “Bê Serok jiyan nabe” hatin berzkirin.

Di axaftinên piştî meşê de, axaftin hatin kirin û bal kişandin ser tecrîda Îmraliyê. Di daxuyaniyê de hat ragihandin ku di ser komploya navneteweyî 25 sal derbas bûye û got, “Ji Rêberê Gelê Kurd ku 3 sal in di bin tecrîda mutleq de ye tu agahî nayên girtin û ev rewşa mutleq bandorê li ser hemû gelên Kurdistanê kir.”

Di daxuyaniyê de hate diyarkirin ku Rêberê Gelê Kurd Abdullah Ocalan û gelê Kurd bi berxwedana xwe ya 25 salan komplo pûç kir û wiha domand: “Niha ji her demê bêhtir dema wê ye ku li dora Rêber Apo bibin yek û bi serkeftina tevgera azadiyê bi ser bikevin. Xwedîderketina Rêber Apo tê wateya xwedîderketina nirx, rûmet û siberoja me.”

Di dawiyê de axaftvanan banga tevlîbûna meşa mezin a azadiyê ku 17’ê Sibatê li bajarê Kolnê yê Elmanyayê tê lidarxistin, kirin.

Di mîtînga li Toûloûse ya Başûrê Fransayê hat lidarxistin de komploya navneteweyî hat şermezarkirin û banga meşa dîrokî ya Kolnê hat kirin.