Bang li malpera înternetê ya televîzyona dewletê ya Swêdê hate weşandin û li ser binpêkirina maf û azadiyan ên li Tirkiyeyê agahiyên berbiçav hatin dayin. Piştre işaret bi grevên birçîbûnê hate kirin ku Leyla Guven û girtiyan ji bo bi bidawîbûna tecrîdkirina Ocalan dest pê kirine.

Rewşenbîran diyar kirin, rewşa tenduristiyê ya Parlamentera HDP'ê û Hevseroka KCD'ê Leyla Guven roj bi roj nebaş dibe û ji Wezîra Karên Derve ya Swêdê Margot Wallstrom xwestin, tevî Wezîrên Karên Derve yên din ên Yekîtiya Ewropayê bikevin nava hewldanan.

Li binê daxuyaniyê mohra wênevan Lenart Asp, rojnamevan-nivîskar Kurdo Baksî, ji Însiyatîfa Aştiyê ya Jinan Latîfe Fegan, hunermend Stîna Holmberg, şanoger Serpîl Înanç, Kemal Gorgu, derhêner Katînka Kassîûs, doktor Tahîre Koçturk, siyasetmedarê Asûrî-Suryanî Yaşar Kuçukaslan, psîkolog Vanessa Înglessî, Alîkara berê ya Şaredarê Stockholmê Ann-Margarethe Lîvh û rojnamevan-nivîskar Ragip Zarakolû hene.