“Meşa Azadiyê” ya ji bo azadiya fizîkî ya Rêberê Gelê Kurd Abdullah Ocalan ya di 22’ê Çileyê de dest pê kir, di roja 14’an de li Bondyê berdewam dike. Meşvanan saet di 13.30’an de li bajarê Bondy yê dikeve rojhilatê Parîsê dest bi meşê kirin û saet di 16.30’an de heta Clichy Sous Bois berdewam kir.

Di meşê de azadiya fîzîkî ya Rêberê Gelê Kurd Abdullah Ocalan hate qîrîn. Di heman demê de der barê tecrîda li Îmraliyê de bi axaftin û broşuran gel hat agahdarkirin. Piştî meşê Hevserokê Konseya Kurd a Demokratîk a Fransayê Şahîn Polat axivî û got: "Heta ku Rêber Apo azad bibe û statuya Kurdistanê bê naskirin em ê têkoşîna xwe bidomînin."

Polat banga tevlêbûna meşa sibe saet di 13:00 de li Drancy bibin kir.

Qanaxa Meşa Azadiyê ya sibe wê saet di 13:00 de li Navenda Civaka Drancy dest pê bike.